وضو میں ہر وعضو دھوتے وقت یہ خیال رکھے

 

وضو میں ہر وعضو دھوتے وقت یہ خیال رکھے

 

عبیداختر رحمانی

 

وضو میں ہر عضو دھوتے وقت اپنے وصل اورجدائی کا تصور کرے یعنی تصور کرلے کہ جب وضو کا پانی میرے اعضاسے جداہوتاہے ناپاک ہوجاتاہے اورجب تک اعضاسے ملارہتاہے پاک رہتاہے، اسی طرح جب تک میں خدائے تعالی سے ملارہتاہوں پاک رہتاہوں اورجب جداہوجاتاہوں تو ناپاک ہوجاتاہوں،ذکر کرتے رہنے سے میں خدائے تعالی سے ملارہتاہوں اور ذکر چھوڑدینے سے جداہوجاتاہوں، پس مجھے چاہئے کہ ہمیشہ ذکر میں رہوں ،ورنہ کسی مصیبت میں مبتلاہوجاؤں گا، نیز یہ تصور کرلے کہ جیسے اعضاسے جداہوکر پانی ناپاک ہوجاتاہے اور زمین سے اس کا ملاپ ہوجاتاہے ،اسی طرح خدائے تعالی سے میراملاپ اس کے ذکر سے ہے، اوراس کا ذکر چھوڑدینا گویامیری موت ہے اور اپنے وجود پر نظر دوڑائے کہ مجھے زمین کے ساتھ مل کر اس کی صفت اختیار کرنی چاہئے یعنی جس طرح ہرچیز جو زمین سے باہر آتی ہے، بالکل پاک وصاف ہوتی ہے، اسی طرح مجھ سےبھی جوچیز باہر آئے ،وہ پاک وصاف ہو اور وہ ذکر الہی ہے۔

 

آداب الطالبین،ص:۲۴ حضرت شیخ محمد چشتی گجراتی ؒ خواہر زادہ حضرت شیخ چراغ دہلیؒ

مکمل تحریر اور تبصرے>>

ہائے ہم ہندوستانی

 

عبیداختررحمانی

ہم  ہندوستانی دنیا بھر میں اپنے برابر کسی کو نہیں سمجھتے اورعلامہ اقبال کو تو ذہن ہندی پر ناز تھااور پھر سے مومن کو درگاہ حق سے عطاہونے کی امید باندھے بیٹھے تھے، لیکن کتب فقہ میں ہندیوں کی مٹی خوب پلید کی گئی ہے، تجنیس کی تحقیق کے دوران ایک مسئلہ نظرآیا:

ولو قال الهنديّ: اى كداى، فقال: اكر من كدايم فامرأتي طالق، طلّقتْ لأن الهندي يقال له في عرفنا ذلك، وإن كان في عرف الفهلويين هذا اسم الحجام.( تجنيس الملتقط)

یہاں عربی کی نسبت سے ’’کدا‘‘ لکھاگیاہے، ورنہ اصل میں یہ ’’گدا‘‘ہے

سوچاکہ یہ صرف صاحب تجنیس کاخیال ہے، بقیہ حضرات کے یہاں ہندیوں کی کچھ عزت ہوگی ، لیکن جب دیکھاتو وہاں بھی ہندیوں کی اچھی مٹی پلید ہوئی ہے، مثلا دیکھئے ، خدمت کے قابل غلام لڑکے کے بارے میں  کتب فقہ میں سب سے بہتر ترکی اورسب سے ادنی ہندی کو بتایاگیاہے،

ولو تزوجها على وصيف صحت التسمية ولها الوسط من ذلك، ولو تزوجها على وصيف أبيض لا شك أنه تصح التسمية؛ لأنها تصح بدون الوصف فإذا وصف أولى، ولها الوصيف الجيد؛ لأن الأبيض عندهم اسم للجيد ثم الجيد عندهم هو الرومي، والوسط السندي، والرديء ‌الهندي(بدائع الصنائع في ترتيب الشرائع 2/ 283)

ہم ہندیوں سے بہتر تو سندھی ہی ہوئے، کم سے کم وہ اوسط تو ہوئے، اوریہ بھی حیرت کی بات ہے کہ اوسط میں تو بسااوقات ائمہ کے درمیان اختلاف ہے کسی نے سندی تو کسی نے صیقلانی کو بتایاہے لیکن ہندیوں کے ادنی ہونے میں سبھی کا اتفاق ہے۔

ثُمَّ الْجَيِّدُ عِنْدَ أَبِي حَنِيفَةَ الرُّومِيُّ وَالْوَسَطُ السِّنْدِيُّ وَالرَّدِيءُ ‌الْهِنْدِيُّ وَعِنْدَهُمَا الْجَيِّدُ التُّرْكِيُّ وَالْوَسَطُ الصَّيْقَلَانِيُّ وَالرَّدِيءُ ‌الْهِنْدِيُّ (الجوهرة النيرة على مختصر القدوري» (2/ 18)

نوٹ:یہ تحریر صرف تفنن یا خوش طبعی کیلئے لکھی گئی ہے،اس پر سنجیدہ بحث ومباحثہ سے پرہیز کیاجائے توبہتر ہے۔

 

مکمل تحریر اور تبصرے>>